PAGTUKOD SANG DIALYSIS CENTER GINA PLANO SANG COMMITTEE ON HEALTH SA BACOLOD

0
155

Ginduso sang duha ka mga konsehal sang Bacolod kay Bacolod City Mayor Alfredo Abelado “Albee” Benitez ang plano nga pagtukod sang Dialysis Center sa syudad bilang kabahin sang programa sa ikaayong lawas ini ang ginpahayag ni Committee on Health Chairman, Bacolod City Councilor Jesus Claudio “Kalaw” Puentevella sa interview sang Brigada News Team.

Suno kay Puentevella, kaupod kay Coucilor Pao Sy ini sila ang naghambal na sa Alkalde nahanungod sini nga plano kag naghangdo na si Benitez tuhoy diri. Dugang pa ni Puentevella, maga patigayon ini sila ni Sy sang pagtuon bahin sa sini nga proyekto bangud nakita sang duha nga tuman ka labing kinahanglanon ang Dialysis Center sa Bacolod bangud naga ginutok na ang pasyente nga gina dialysis bisan pa sa mga pribado nga hospital. Naga pati ka duha nga kon may dialysis facility ang syudad dako ang mabulig sa bahin sa pinansyal nga aspeto para sa pamilya sang pasyente.
Dugang pa ni Puentevella, luyag man sini nga bisitahon nga iga-review ang sadto anay gintukod apang wala mahuman nga proyekto sang iya amay Mayor Monico Puentevella nga Dialysis Center sa compound sang Bacolod City Health Office. Paathag sang Konsehal, may 20 milyones na nga budget ang amo nga pasilidad rason nga ginsugoran ang konstraksyon apang ini ang ginutat sang magbulos ang bag-o nga administrasyon.

Via| Richard Pauyon